قاطعوا "مؤسسات الإرهاب" المصرية - تحديث
تقرير مصور من مراسلتنا نانا
مساء الخير
اولا احب اقول ان بعد ما قريت الموضوع فضلت افكر فية ولما رحت المعادى فضلت واقفة قدام التابعى الدمياطى بفكر ف الى قريتة وفجاة الاقى اجانب داخلين بيضحكو بصوت عالى وبيهظرو وعايشين الحياة على طبيعتهم لانهم بيحبو الحياة اكتر مننا وبيعرفو يستمتعو بيها كويس المهم...
اول ما دخلو المكان لاقيت الكاشير وقف من مكانة مرحب ومهلل بيهم وبيعرفهم على اصناف الاكل المصرى الجميل المعروض عندهم والعاملين ف المكان كلهم بقت الضحكة من الودن للودن زى ما بنقو ل بعاميتنا المصرية الجميلة مع انى الاحظ ان غالبنا بيكونو مكشرين ف وش اخواتهم المصرين حتى لو مسلمين زيهم المهم فضلت افكر ف الى قريتة هنا واستغربت لان اكيد الاجانب مش مسلمين واكيد ميقدروش يسئلوهم سؤال زى كدا حسيت بالجبن الى ف شخصية الناس الى المفروض انها متمسكة بالدين اكتر من غيرهم على حد رئيهم الشخصى...
هما يقدرو يفترو على مصرين زيهم لكن ميقدر يكشر ف وش واحد اجنبى لانة جبان وعارف ان الاجانب مش بيسيبو حقهم زينا للاسف .......
دى حكاية الدمياطى
اما بقى مطعم ارزاق جراند مول المعادى دة حكاية تانية كان فااااااااااضى بطريقة غريبة بالرغم من ان الكافية الى جنبو كان مليان وفى ناس واقفة كمان مستنية مكان يفضى عشان تقعد ف مكان يقدر الجست او الضيوف الى عندة ويحترمهم ويعاملهم بادمية ف حيث ان ارزاق كان بينش زى ما بنقول بعاميتنا برضة اللهم من اسرة واحدة شكلهم غلبانين قوى وعلى قدهم بس كان شكلهم مضايق برضة يمكن الاكل كان وحش وندمو على فلوسهم الى ماخدوش بيها لاخدمة كويسة ولا اكل كمان: (اللهم لاشماتة وليا رئى ف مستشفى الفتح كمان لكن هخلية لنفسى بعد اذن الجميع..
وسلامى لحسن والبلوج ولكل مصرى غيران على الى بيحصل ف مصرنا
نانا - القاهرة - مصر
===============================
نانا... في إنتظار تقريرك عن مستشفي الفتح... الساكت عن الحق شيطان أخرس
مع شكري وتحياتي
2 comments lost
No comments:
Post a Comment